حكاية مغامرات أبناء العاصي لكاتبها مياده مأمون
المحتويات
هو مش صغير هو عنيد زيك وبيتصرف بنفس طريقتك مش هايجيبه من بره يعني يا عاصي بيه
طرق بيده علي الطاوله وصاح بصوت جهور لتفزع هي في وقفتها ويقف امامها عدي وزين ليحجبوها نهائيا من امامه
عدي يومك يا غمزه ومتدخليش في اللي مالكيش فيه
زين اهدى يا بوب عشان خاطري خلاص بقى يا ماما اقعدي يلا عشان نفطر
غمزه ولا عايزه افطر ولا عايزه
والتفتت لتصعد الدرج
ولكن صوته اوقفها زفت علي دماغك لو اتحركتي خطوه واحده تاني يومك هايبقي اسود
غمزه ايه مش عايزه افطر هاتكلنا كمان بالعافيه
عاصي پغضب اه هاتفطري بالعافيه وڠصب عنك هاتقعدي زي الكل ماهم قاعدين ولا تحبي اوريكي
حمزه وهو يمسكه من ذراعه لاء ماتحبش هي هاتقعد لوحدها اقعدي يا غمزه ربنا يهديكي خلينا ناكل اللقمه بقى
جلست بجانب اخيها الصغير وعيناها تلمع بالدموع
عاصي كلي
روقيه خلاص يا حبيبي هي هاتكل اهيه كل انت ومتركزش معاها
فضالي خلاص بقى يا عاصي خلينا ناكل اللقمه مره من غير خناق
جلس زين بجانب تيا الخائفه من ملامح ابيها ليربط علي يدها
وقف بوده بجانب والدته يطبطب علي ذراعها وهو ينظر لوالده بعدائيه وېصرخ فيه انت بتزعق ليها ليه هي عملت ايه عشان تزعق كده
بوده هو انت كل حاجه تتعصب علينا كده طب والله لو زعقت ليها تاني لخاصمك ومش هاكلمك ابدا ومش هحبك كمان
حمزه اقعد يا بوده ساكت يلا يا حبيبي كل وبلاش تتناقش مع بابي دلوقتي عشان متنرفز
جلس هذا العنيد الصغير علي مقعده وهو يشوح له بيده بلا مبالاه ما هو علطول متنرفز هو من امتي يعني كان بيهدى
جلست غزل بين حمزه وليا التي فضلت الصمت ولكنه كان صمت ممتزج بالحزن علي عنيدها
كانت تعبث في صحنها بالملعقه لم تشعر بتلك الدموع التي استرسلت علي وجنتيها الا لما غزل اعتطها منديل من تحت الطاوله
غزل بهدوء امسحي عنيكي دي
ليا هاه مالها عنيا
غزل انتي مش حاسه انك بټعيطي
غزل طب كلي يا حبيبتي وامسحي دموعك يلا
وجه زين الحديث الي والده وعمه
وهو يمسكك يد تيا انا شايف ان الكل مشحونين ومحتاجين يغيرو جو وبالذات البنات
ايه رأيكو لو ناخد باقي الاسبوع اجازه ونروح السخنه نغير جو كلنا
حمزهلاء انا مش فاضي
لتصيح طمطم هو كل حاكه مس فاتي مس فاتي انا عايسه لوح البحل بقى يا بابي
ترك زين الموضوع لطمطم وفضل الصمت فهي كفيله ان تجلب الموافقه منهم ولم يصمدو امام رجائها لهم
صعدت اللعينه علي قدم عاصي وعانقته وقبلته في وجنته
وهي تهتف برجاء عثان خاطلي يا عاثي والنبي لوح البحل وقول لبابي يوافق
فضالي اظن دي بالذات مش هتعرف ترفض ليها
طلب
طمطم وهي تتوجه لحمزه انت مس فسحتني خالث وكمان قولت هالوح مدلسه يبقى لوح بحل الاول والنبي يا بابي
ثم قبلته هو الاخر وعانقته
وبدأت تأثر عليهم بسلاحھا الفتاك وتترك لدموعها الحديث
ليأخذها عاصي من علي قدم اخيه ويبدء يهدهد فيها وهي علي قدمه خلاص يا روحي ماتعيطيش ابدا روحي يا ستي المصيف وانبسطي زي مانتي عايزه
طمطم هييييه يعني هاتوديني المثيف يا عاثي
عاصي لاء مش انا ولا بابي انتي هاتروحي مع زين وعدي وعاصي اخوكي وجدو ونانا كمان
لاءه انا عايسك انت وبابي كمان عسان تلكبني banana boot وتلعب معايا
حمزه ههههههه خلاص بقى يا طماعه انتي ما قالك هاتروحي اقولك روحو انتو واحنا هانبقى نيجي ليكو بعد يومين كده لما نخلص شغل
عدي طب كده حلو اوي احنا نلحق بقى نلم الدنيا هنا وبعد كده نروح علي الجمالية ونشوف هنسافر امتي
تيا خلاص قول لأنطي دارين ودانا يجو معانا يازين
زين حاضر يا حبيبتي هقولهم.
الفصل السابع عشر
وصلو بسيارتهم الي بيتهم في الجمالية وجدوه قد فتح الوكالة وجالس امامها
كادت ان تذهب اليه هي واختها الا ان صوت الجد اوقفهم
فضالي اطلعي فوق يا غمزه انتي وغزل يلا
غزل حاضر هنطلع بس نطمن عليه حتى
حمزه متبقوش اوڤر بقى ما هو كويس قدماكو اهو اطلعو دلوقتي وهو هايطلع ليكو فوق.
غمزه طب حتى ناخده معانا ياكل حاجه ده رجع من غير ما يفطر
نظر لها هو نظره غاضبه فهمت معناها جيدا ولم تتكلم
زين خلاص بقى يا جماعه اطلعو واحنا هانجيبه ونطلع وراكو انا وعدي
أومئو له برأسهم واتجهو الي داخل البيت خلف والدتهم والفتايات
واتجه الي داخل الوكالة الجد وهم من خلفه
فضالي ايه يا عاصي فتحت لوحدك الوكالة يعني
عاصي الصغير عادي يا جدي قولت افتحها وارص الحاجة علي بال ما تيجي
حمزه ولزمته ايه اللي انت عملته ده ايه اللي خلاك تغضب زي العيال وتمشي كده
عاصي الصغير انا مش عيل انتو فاهمين بطلو تقولو عليا كده..
الواحد بيبقي راجل بتصرفاته مش بالكلام وانت كل تصرفاتك تصرفات عيال
قالها عاصي الكبير بسخريه وهو يجلس علي مقعد والده خلف مكتبه داخل الوكالة
استشاط منه الاخر غيظا ونظر له بعدائيه ولكن زين جذبه من يده
تعالي معايا يا عاصي نطلع فوق نقعد مع بعض شوية واهو بالمره تطمن مامتك وخالتك عليك
عدي اه وتاكل عشان هايتجننو عشان مأكلتش لغاية دلوقتي
عاصي وهو ينظر لعمه انا مش عايز حاجه من حد فككو مني كلكو بقى
حمزه پغضب لم الدور يا عاصي وماتعملش ليك حوار من غير ولا حاجه واطلع يلا معاهم
جذبه زين من يده وصعدو الي أعلى وجدوهم جالسين
وجرت طمطم عليه وحملها وجلس علي الأريكه وكانت جلسته مقابل عنيدته التي زبل وجهها من الحزن علي ما يفعله
ليصيح زين هاتي بقى يا غمزه كل الاكل اللي عندك للأستاذ
غمزه يا سلام عيوني ليه هو انا عندي اعز منكم يعني لتجد غزل قد احضرت له الطعام وجلست بجانبه.
غزل كل يا حبيبي بألف هنا
عاصي مش عايز يا ماما في ايه انتو مالكم بتعملوني كده ليه ماتسيبوني براحتي.
لتصيح جدته پغضب براحتك دي اللي هي ازاي يعني عايز تفجأنا كلنا وتمشي لوحدك وتخضنا كلنا عليك
وتخلي الكل يتخانق مع بعضه وخوفنا وقلقنا عليك يزيدو وتقول سيبوني براحتي ايه انت خلاص مابقاش يهمك احساس حد فينا
عاصي لاء يا تيتا طبعا انا مقصدش كده وكمان مش عايز حد يتخانق ولا يزعل عشاني
جلس زين بجانب ليا التي تنظر اليه بحزن
وهو يتحدث اليه طب بقولك ايه يا معلم احنا اتفقنا اننا هانروح كلنا السخنه بكره
نظر له عاصي پغضب كلنا اللي هو مين يعني انا مش رايح في حته
جلس عدي بجانبها هو الاخر وجذبها من بين يدي زين ليفعل ما
فعله بمشاكسه
مش رايح ايه ياض لاء هاتروح طبعا داحنا رايحين من غير الكبار و هنبقى براحتنا
عاصي وقد اغتاظ مما يفعلاه هم الاثنان عايزين تروحو روحو لوحدوكو انا مش رايح
تيا وقد جلست بجانب زوجها الله في ايه يا بني ما تخليك جدع بقى وتبطل غلاسه
عاصي لمي لسانك يا بت انتي احسنلك
زين بمشاكسه ولد عيب احترم نفسك وكلم مدام زين السيوفي عدل
عاصي حصلنا الړعب يا سيدي بردو لاء
غزل طب لو قولتلك ان باباك مش رايح معانا ايه هاتسبني انا وأختك نروح لوحدنا
عاصي لوحدك ليه مانتي هيبقي معاكي شاحطين اهو
ليا وقد نفذ منها الصبر ووقفت من وسطهم وسعولي بقى انتو الاتنين كده
وانت بقى أنشالله عنك ما روحت ولا عنك روحت انت ايه يا اخي فاكر نفسك رشدي اباظه
لو وافقت هنقول النجم اتعطف
واتنازل ورضي يروح معانا
خليك قاعد هنا وشك في وش حمزه وعاصي يارب ياكلوك هما الاتنين ونخلص من عندك ده
ثم تحركت لتصعد إلى الأعلى وهي تكمل
ال ايه مش هاروح والكل بيتحيلو عليه مانشالله ما روحت يا راجل هي ناقصه كأبه.
ظلو يضحكون جميعا بصوت مرتفع على ما قالته وسط زهوله وانفراجة ثغره غير مستوعب ما قالته تلك اللعېنة.
ليكركر عبدالرحمن الصغير
بوده ههههههه ليا هزقتك يا عاصي دي خلتك عامل زي الكتكوت قدامها
عاصي بس ياض ثم نظر الي زين وهو يفرك رأسه من الخلف وتحدث هي البت دي كانت بتكلم مين كده
زين بكركره ههههههه كانت بتكلم امي
عدي وقد فقد السيطره علي نفسه
ههههههههة طب وربنا جدعه بصراحه خلت منظرك زباله
عاصي وقد هم للخروج خلفها عشان ماتبقوش تلوموني لما أفتح ليكو دماغها دلوقتي حالا
غمزه وقد امسكته قبل ان يخرج وهي تضحك ايضا هههههههه تعالى بس يا عبيط دي بتنكشك عشان عارفه عندك كويس
عاصي طب بطلي ضحك الاول وبعدين اتكلمي وبالعند في بنتك بقى هاروح معاكو وهوريها الكأبه علي حق ربنا
ليضحك الجميع بصوت مرتفع علي هذان الثنائي العنيد
تركهم زين بعد فتره وذهب الي ڤيلا والده لكي يحضر اخته ووالدتها حتى يأخذوهم معهم و داخل الڤيلا دار بينه وبين والده هذا الحديث
احمد لاء يا زين لا دراين ولا دانا هايروحو معاكم
زين ليه بس يا بابا ده هو اسبوع هانقضيه كلنا مع بعض وكمان ابويا وحمزه يومين كده وهايجولنا وانت كمان لو عرفت تيجي تعالى اقعد معانا يومين
احمد قولتلك لاء روح انت واتبسط مع عروستك وكده كده هما لسه راجعين ومقضين الصيف كله هناك
زين طب لو قولتلك عشان خاطري طب قولي لو في حاجه ضيقتك عرفني وانا هاتصرف
جلس خلف مكتبه ونظر الي ابنه وصمت
زين ما تتكلم يا بابا في ايه انت كده بتقلقني اكتر
احمد انا مش عجابني تصرفات عدي مع اختك
زين عدي ماله عدي عدي ولد مؤدب وفي حاله
طب قول عاصي اهو ده بقى اللي بيشاكس الكل
احمد لاء انا اقصد عدي انت كنت مركز امبارح مع عروستك ومشوفتش اللي حصل
زين ايه اللي حصل يا بابا
احمد لما بدأت الرقصه بتعاتكم جيه حسام ابن اللوا نشأت وطلب مني انه يرقص مع دانا
وانا وافقت و راح فعلا وأخدها وقربو عشان يرقصو معاكم لكن فوجئت بعدي لما قرب منه قبل ما يحط ايدو علي كتفها
وشدها منه ووقف اتكلم معاها شويه وبعدين هي رجعت قعدت مكانها وهي عماله تبص ليه پخوف
وطبعا حسام بصلي بأستغراب وراح قال لوالده حاجة وفضل طول الفرح يراقب تصرفتها
زين حسام ده اللي هو ظابط في الطيران مش كده
احمد ايوه هو
زين طيب يا بابا انا بأكد ليك ان عدي لما عمل كده عشان هو بيعتبرها زي تيا وليا ومتاخفش علي اختي هي هتبقى معايا وانا اعرف احافظ عليها كويس
وده مايمنعش بردو اني هاحسبه وافهمه انه ماكنش ينفع يعمل كده
أحمد انا كان ممكن اقول لعاصي واخليه هو يحاسبه بس عارف
متابعة القراءة
