الدكتور ابراهيم الفقي الله يرحمه كان في مؤتمر عالمي فالصحفي

ابكي حرفيا
حد بيقول في ساعة فضفضه مع واحد صحبى ..
بقوله ايه اغرب موقف مريت بيه في حياتك ! .. قالي تصدق بمين ! قولت لا اله الا الله .. قالي ف يوم كان عندي أرق .. الساعه ١ او ٢ بالليل .. اقوم اخد دش .. برضه قرفان .. مش عارف انام ولا مرتاح .. قولت انزل اتمشي شويه ف الشوارع .. عديت علي مسجد علي الطريق ..
عربيه مرسيدس أحدث موديل واقفه قدامه .. وباب المسجد علي غير العاده كان مفتوح .. دخلت بهدوء حسيت براحه نفسيه عجيبه .. لقيت واحد لابس بدله ومتشيك .. وواقف بيصلي ورافع ايديه للسما.. وسامع شهقته ونهنهاته وعياطه .. بيقول اغفرلي ! 
معنديش غيرك اروحله يغفرلي .. ارجوك يا رب تغفرلي ..
بيلح زي الطفل .. مكنش يعرف اني ف المسجد .. قولت اقعد شويه .. ركنت علي عمود المسجد .. اقسملك بالله النوم جاني ازاي معرفش .. اتخطفت .. حلمت اني في نفس المسجد .. ونايم نفس النومه وضهري للعمود .. وجالي واحد يصحيني .. بكل هدوء .. بصيت بإستغراب .. انت مين !
قالي انا رسول الله .. وطيت علي رجله بوستها .. قالي قوم .. قول للشاب اللي بيصلي .. وبيدعي ربنا انه يغفرله .. رسول الله بيبشرك بالجنه وبيقولك قبل الله توبتك و غفر ذنبك وجعلك كيوم ولدتك أمك .. واختفي ! .. صحيت من النوم جريت ع اللي بيصلي .. لقيته خلص ..
قولتله اللي حصلي وازاي جيت المسجد وان ربنا جابني لحد هنا .. ونمت ف المسجد وجالي رسول الله في المنام وباعتلك رساله بيقولك فيها ربنا قبل توتبتك وغفر ذنبك .. وانك جاره في الجنه .. لقيته بكي كأن ماتله حد وسجد .. وفضل يقول .. آآآآه آآآآه .. رحمتك يارب .. رحمتك يارب .. حضنته ..
اتمنيت يكون عندي قلب ربع قلبه .. جزء من شعور الندم اللي عنده .. انضف شاب قابلته .. واغرب موقف صادفني وعشته ..